جہلم،ایک ہی گھر کے 4 افراد کو گلا کاٹ کر قتل کردیا گیا

مقتولین کی لاشیں پوسٹ مارٹم کیلئے ہسپتال منتقل کر دی گئی ہیں، قتل کی وجہ تحقیقات کے بعد معلوم ہو سکے گی

پیر 8 ستمبر 2025 16:55

جہلم (اُردو پوائنٹ اخبارتازہ ترین - این این آئی۔ 08 ستمبر2025ء)جہلم میں نامعلوم افراد نے ایک ہی گھر کے 4 افراد کو قتل کر دیا۔پولیس کے مطابق جہلم کے کوٹھا پرانا گاؤں میں ایک گھر میں 4 افراد کو قتل کیا گیا ہے۔

(جاری ہے)

پولیس کے مطابق مرنے والوں میں ایک خاتون بھی شامل ہیں، خاتون اور 3 مردوں کو گلا کاٹ کر قتل کیا گیا ہے۔پولیس کے مطابق مقتولین کی لاشیں پوسٹ مارٹم کیلئے ہسپتال منتقل کر دی گئی ہیں، قتل کی وجہ تحقیقات کے بعد معلوم ہو سکے گی۔