جدہ میں سب میرین کیبل کٹنے سے انٹرنیٹ کی رفتارکم ہے،شزہ فاطمہ

پیر 8 ستمبر 2025 23:24

اسلام آباد (اُردو پوائنٹ اخبارتازہ ترین - این این آئی۔ 08 ستمبر2025ء)وفاقی وزیر برائے آئی ٹی شزہ فاطمہ خواجہ نے کہا ہے کہ سعودی عرب کے قریب سب میرین کیبل کٹنے سے پاکستان کے متعدد علاقوں میں انٹرنیٹ کی رفتار کم ہو گئی ہے۔

(جاری ہے)

میڈیا سے گفتگو میں شزہ فاطمہ نے کہا کہ انٹرنیٹ کی سست رفتاری کا یہ مسئلہ سعودی عرب کی طرف ہے، انٹرنیشنل سب میرین کیبل کٹ ہوئی ہے، سب میرین کیبل جدہ میں کٹ ہوئی ہے، ہم اٴْن سے رابطے میں ہیں، جیسے ہی ہمیں پتا چلا کہ کیبل کب تک ٹھیک ہوگی، ہم پاکستانی عوام کو اطلاع دیں گے۔

شزہ فاطمہ نے کہا کہ پاکستان میں اصل مسئلہ براڈ بینڈ اسپیکٹرم کی کمی کا ہے، پی ٹی سی ایل حکام سے رابطے میں ہیں۔انہوں نے کہا کہ درست ہے کہ انٹرنیٹ سست ہونے سے کاروبار پراثر پڑ رہا ہے تاہم بین الاقوامی اداروں کی جانب سے کیبل کی درستگی کا وقت نہیں بتایا گیا، کیبل کو کس نوعیت کا نقصان پہنچا اس کا جائزہ لیا جارہاہے۔