ٹ*پنجاب پولیس میں ہفتہ وار جنرل پریڈ، افسران و جوانوں کی بھرپور شرکت

پیر 8 ستمبر 2025 19:55

,لاہور(اُردو پوائنٹ اخبارتازہ ترین - آن لائن۔ 08 ستمبر2025ء)آئی جی پنجاب ڈاکٹر عثمان انور کی ہدایت پر لاہور سمیت صوبہ بھر میں ہفتہ وار جنرل پریڈ کا انعقاد کیا گیا۔ سینئر پولیس افسران نے پریڈ کا معائنہ کیا جبکہ پریڈ کے چاق و چوبند دستوں نے سلامی پیش کی۔ترجمان پنجاب پولیس کے مطابق جنرل پریڈ میں پولیس لائنز، ڈولفن فورس، اینٹی رائٹ فورس، ٹریفک پولیس، مجاہد سکواڈ، ایس پی یو، لیڈیز پولیس، او سی یو، انویسٹی گیشن ونگ اور آپریشن ونگ تھانہ جات کے افسران و جوانوں نے بھرپور شرکت کی۔

(جاری ہے)

اس موقع پر سینئر افسران نے پریڈ میں شریک اہلکاروں کا ٹرن آؤٹ بھی چیک کیا۔اہلکاروں کے دستوں نے مارچ پاسٹ پیش کیا جبکہ خواتین پولیس اہلکاروں نے بھی پریڈ میں حصہ لیا۔ ضلعی افسران نے کوت، موٹر ٹرانسپورٹ ونگ، متفرق اسٹورز، وردی گودام اور دیگر شعبوں کا معائنہ بھی کیا۔آئی جی پنجاب ڈاکٹر عثمان انور نے کہا کہ جنرل پریڈ کا مقصد اہلکاروں کو ہمہ وقت الرٹ رکھنا اور ان میں ڈسپلن، اتحاد اور بھائی چارے کی فضا قائم کرنا ہے۔ ان کا کہنا تھا کہ پریڈ کسی بھی فورس کے ڈسپلن کا بہترین مظاہرہ ہوتی ہے، اس سے افسران و اہلکاروں کی فٹنس برقرار رہتی ہے اور پولیس فورس کی تاریخ، ورثے اور روایت اجاگر ہوتی ہے۔