عالمی تجارتی نمائش فوڈ افریقا میں شرکت کے لئے درخواستیں 20ستمبر تک جمع کرائی جاسکتی ہیں، ٹی ڈی اے پی

بدھ 10 ستمبر 2025 13:29

اسلام آباد (اُردو پوائنٹ اخبارتازہ ترین - اے پی پی۔ 10 ستمبر2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ مصر میں09 دسمبر سے شروع ہونے والی بین الاقوامی تجارتی نمائش ’’ فوڈ افریقا ‘‘ میں شرکت کے لئے 20ستمبر تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش قاہرہ میں 09 سے 12 دسمبر تک جاری رہے گی جس میں زراعت اور فوڈ پراڈکٹس سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔