صدر مملکت آصف علی زرداری سے یونان، یورپی یونین اور ہنگری کےنامزد سفراء کی ملاقات، اسناد سفارت پیش کیں

بدھ 10 ستمبر 2025 21:02

اسلام آباد (اُردو پوائنٹ اخبارتازہ ترین - اے پی پی۔ 10 ستمبر2025ء) صدر مملکت آصف علی زرداری سے یونان، یورپی یونین اور ہنگری کےنامزد سفراء نے ایوان صدر میں ملاقات کی اور صدر مملکت کو اپنی اسناد سفارت پیش کیں۔

(جاری ہے)

ایوان صدر کے پریس ونگ سے بدھ کو جاری بیان کے مطابق تینوں ممالک کے نامزد سفراء نے ایوان صدر میں منعقدہ تقریب کے دوران صدر مملکت آصف علی زرداری کو اسناد سفارت پیش کیں۔ ایوان صدر میں اسناد سفارت پیش کرنے کی تقریب منعقد ہوئی۔ صدر مملکت نے سفراء کو ذمہ داریاں سنبھالنے پر مبارکباد دی۔ صدر مملکت نے کہا کہ نئے سفراء کی آمد پاکستان کے ساتھ تعلقات کو مزید مستحکم کرے گی۔ ایوان صدر آمد پر مسلح افواج کے چاق و چوبند دستے نے سفراء کو گارڈ آف آنر پیش کیا۔