بحریہ ٹائون میں بکنگ، خرید وفروخت اور اشتہارت پر مکمل پابندی عائد

جمعرات 11 ستمبر 2025 17:53

کراچی(اُردو پوائنٹ اخبارتازہ ترین - این این آئی۔ 11 ستمبر2025ء)بحریہ ٹائون کراچی میں بکنگ، خریدوفروخت اوراشتہارت پر مکمل پابندی عائد کردی گئی۔سندھ بلڈنگ کنٹرول اتھارٹی(ایس بی سی ای)نے بحریہ ٹائون کا پرویژنل این او سی منسوخ کردیا۔

(جاری ہے)

سندھ بلڈنگ کنٹرول اتھارٹی کی جانب سے جاری کنسیلیشن آرڈرز کے مطابق سپریم کورٹ کے فیصلے اور 460 ارب روپے کی اقساط کی عدم ادائیگی پر19 ستمبر 2022 کو جاری کیا گیا فروخت اور اشتہار کا این او سی منسوخ کردیا گیا ہے۔اس اقدام کے بعد بحریہ ٹائون کی 16 ہزار896ایکڑزمین کا حصول خطرے میں پڑ گیا۔ ایس بی سی اے نے واضح کیا ہے کہ الاٹیز کے تمام حقوق محفوظ رہیں گے جبکہ بحریہ ٹائون کو فوری تمام الاٹیز کی فہرست فراہم کرنے کی ہدایت بھی کی گئی ہے۔