صدر ٹرمپ کے ساتھی چارلی کرک قاتلانہ حملے میں ہلاک

چارلی کرک ایک شاندار شخصیت تھے،امریکی صدر کا اظہار تعزیت

جمعرات 11 ستمبر 2025 13:12

صدر ٹرمپ کے ساتھی چارلی کرک قاتلانہ حملے میں ہلاک

یوٹاہ(اُردو پوائنٹ اخبارتازہ ترین - این این آئی۔ 11 ستمبر2025ء)امریکی ریاست یوٹاہ میں فائرنگ سے صدر ٹرمپ کے ساتھی اور قدامت پسند تجزیہ کار چارلی کرک قاتلانہ حملے میں ہلاک ہوگئے۔صدر ٹرمپ نے چارلی کرک کی ہلاکت کی تصدیق کی ہے، ان کی سرجری کی گئی مگر کامیاب نہ ہوسکی، ٹرمپ کا کہنا تھا کہ چارلی کرک ایک شاندار شخصیت تھے۔

(جاری ہے)

چارلی کرک یونیورسٹی تقریب میں خطاب کے دوران فائرنگ سے شدید زخمی ہوئے تھے، ان کی گردن میں گولی لگی تھی۔فائرنگ کے بعد ایک مشتبہ شخص کو مجمع میں سے حراست میں لے لیا گیا ہے، تاہم امریکی میڈیا کے مطابق اس کا حملے سے تعلق نہیں ہے۔روسی میڈیا نے عینی شاہدین کے حوالے سے کہا ہے کہ کرک کو اس وقت گولی ماری گئی جب وہ ٹرانس جینڈر افراد سے متعلق تقریر کررہے تھے۔