باٹا پور میں مارکیٹ کا راستہ بند کرنے سے منع کرنے پر نوجوان قتل

مقتول کے لواحقین کا احتجاجی مظاہرہ ،پولیس کی یقین دہانی پر کینال روڈ ٹریفک کے لیے کھول دیا گیا

جمعہ 12 ستمبر 2025 14:25

لاہور (اُردو پوائنٹ اخبارتازہ ترین - این این آئی۔ 12 ستمبر2025ء) باٹا پور میں سبزی منڈی جلو موڑ پر نوجوان کو مارکیٹ کا راستہ بند کرنے سے منع کرنے پر فائرنگ کرکے قتل کر دیا گیا۔پولیس کے مطابق مقتول نے واجد، عرفان، عمران اور شکیل کو راستہ بند کرنے سے روکنے کی کوشش کی، جس پر ملزمان نے مارکیٹ کے سامنے اپنی ریڑھیاں لگا دی تھیں۔تلخ کلامی کے بعد ملزمان نے فائرنگ کر دی، جس کے نتیجے میں عمران موقع پر ہی جاں بحق ہو گیا۔

(جاری ہے)

مقتول کے لواحقین نے جلو موڑ پر احتجاجی مظاہرہ کیا، جس کے بعد پولیس کی یقین دہانی پر تقریبا 5 گھنٹے بعد کینال روڈ ٹریفک کے لیے کھول دیا گیا۔پولیس نے لاش پوسٹ مارٹم کے لیے مردہ خانہ منتقل کر دی ۔ابتدائی تحقیقات میں معلوم ہوا کہ ملزمان اور مقتول کے درمیان ایک سال قبل بھی جھگڑا ہوا تھا اور ملزمان نے مقتول کی مارکیٹ پر قبضہ کرنے کی کوشش کی تھی۔ مقتول عمران نے اس سلسلے میں مقدمہ بھی درج کروایا تھا۔