پولیس پر مبینہ تشدد اور جلاؤ گھیراؤ کیس ، علیمہ خان اور عظمیٰ خان کی عبوری ضمانت میں17 اکتوبر تک توسیع

جمعہ 12 ستمبر 2025 22:37

لاہور(اُردو پوائنٹ اخبارتازہ ترین - آن لائن۔ 12 ستمبر2025ء) انسداد دہشت گردی عدالت لاہور نے 5 اکتوبر پولیس پر مبینہ تشدد اور جلاؤ گھیراؤ کیس میں علیمہ خان اور عظمیٰ خان کی عبوری ضمانت میں17 اکتوبر تک توسیع کر دی۔جمعہ کو سماعت اے ٹی سی کے جج منظر علی گل نے بانی پی ٹی آئی کی بہنوں علیمہ خان اور عظمیٰ خان کی عبوری ضمانت کی درخواستوں پر سماعت کی۔

(جاری ہے)

سماعت کے دوران علیمہ خان اور عظمیٰ خان کی جانب سے ایک روزہ حاضری معافی کی درخواست جمع کروائی گئی درخواست میں ئ* مؤقف اختیار کیا گیا کہ علیمہ خان اور عظمیٰ خان اسلام آباد میں ہیں جہاں بانی پی ٹی آئی سے ملاقات اور کیس کی سماعت کے سلسلے میں گئی ہوئی ہیں۔ عدالت نے مقدمہ کا ریکارڈ پیش نہ ہونے پر سماعت 17 اکتوبر تک ملتوی کر دی اور دونوں کی عبوری ضمانت میں بھی اسی تاریخ تک توسیع کر دی ساتھ ہی دونوں کی عدالت سے حاضری معافی کی درخواست بھی منظور کر لی۔