Live Updates

cایشیاء کپ، پاکستان نے عمان کو 93 رنز سے شکست دیدی

kپاکستان کی جانب سے محمد حارث 66 رنز کے ساتھ نمایاں رہے

جمعہ 12 ستمبر 2025 23:25

# دبئی (اُردو پوائنٹ اخبارتازہ ترین - آن لائن۔ 12 ستمبر2025ء) پاکستان نے ایشیاء کپ کے چوتھے میچ میں عمان کو 93 رنز سے شکست دیتے ہوئے فاتحانہ آغاز کر دیا ۔تفصیلات کے مطابق پاکستان کی جانب سے دیئے گئے 161 رنز کے ہدف کے تعاقب میں عمان کی پوری ٹیم16.4 اوورز میں 67 رنز بنا کر ا?وٹ ہو گئی جس میں حماد مرزا 27 رنز بنا کر نمایاں رہے جبکہ عامر کلیم نے 13 رنز کی اننگ کھیلی ان کے علاوہ کوئی اور کھلاڑی ڈبل فگر میں بھی داخل نہیں ہو سکا۔

پاکستان کی جانب سے سفیان مقیم ، فہیم اشرف اور صائم ایوب نے 2 ، 2 وکٹیں حاصل کیں جبکہ شاہین شاہ ا?فریدی، ابرار اور محمد نواز نے ایک ایک وکٹ حاصل کی۔اس سے قبل پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 160 رنز بنائے جس میں محمد حارث 66 رنز کے ساتھ نمایاں رہے جبکہ اوپننگ پر آنے والے صاحبزادہ فرحان 29 رنز بنا کر آؤٹ ہو گئے ، کپتان سلمان ا?غاز صفر کے ساتھ ہی پولین لوٹ گئے ،صائم ایوب بھی کوئی سکور بنانے میں کامیاب نہیں ہوئے۔

(جاری ہے)

محمد نواز نے 19 اور فخر زمان نے 23 اور فہیم 8 رنز بنانے میں کامیاب ہوئے۔قومی ٹیم کے کپتان سلمان آغا نے کہا کہ پچھلے دو تین ماہ سے اچھی کرکٹ کھیل رہے ہیں، قومی ٹیم میں 3 اسپنرز شامل ہیں۔قومی ٹیم میں صائم ایوب، فخرزمان، صاحبزادہ فرحان ، حسن نواز، محمد حارث، محمد نواز، فہیم اشرف ، شاہین آفریدی، سفیان مقیم اور ابراراحمد ٹیم میں شامل ہیں