چائنا انٹرنیشنل فیئر فار ٹریڈ ان سروسز 2025اختتام پذیر،1154 معاہدوں پر دستخط کئے گئے

ہفتہ 13 ستمبر 2025 12:10

بیجنگ (اُردو پوائنٹ اخبارتازہ ترین - اے پی پی۔ 13 ستمبر2025ء) چین میں منعقدہ 25 ویں بین الاقوامی سرمایہ کاری اور تجارتی فیئر میں شامل ملٹی نیشنل کمپنیوں کے اعلیٰ حکام نے کہا کہ ہم چین میں طویل مدتی سرمایہ کاری کریں گے ۔ انہوں نے چینی جدت کے بارے میں بھی اظہار خیال کرتے ہوئے کہا کہ چین کی اعلیٰ معیار کی ترقی کی رفتار کے ساتھ ہم آہنگ ہو سکیں گے۔

چینی میڈیا کے مطابق 123 ممالک سے 1100 سے زیادہ سرکاری اداروں اور کاروباری گروپس نے ایونٹ میں شرکت کی۔ اس موقع پر سرمایہ کاری کے مختلف منصوبوں کے حوالہ سے 1154 معاہدوں پر دستخط کئے گئے، جن کی کل مالیت 644 ارب یوآن تک پہنچ گئی ہے۔ 8 سے 11 ستمبر تک ہونے والا چین انٹرنیشنل سرمایہ کاری اور تجارتی فیئر عالمی سطح پر چین کے مشاہدے اور سرمایہ کاری کے مواقع تلاش کرنے کے لیے ایک اہم ایونٹ بن گیا ۔

(جاری ہے)

تحفظ پسندی کے بڑھتے ہوئے رجحان اور عالمی اقتصادی عدم یقینی کی موجودہ صورتحال کے پیش نظر شرکانے چین میں سرمایہ کاری کا مطلب مستقبل کی سرمایہ کاری قرار دیا ہے۔ انہوں نے کہا کہ چین کی وسیع مارکیٹ معیشت کی تبدیلی اور ترقی کے دوران بڑی صلاحیت پیدا کر رہی ہے۔ حالیہ سالوں میں غیر ملکی کمپنیوں کی جانب سے چین میں تیز رفتار سرمایہ کاری سے چینی کمپنیوں کے ساتھ مل کر کام کرنے کے مواقع پیدا کئے گئے۔

غیر ملکی کمپنیوں کے اعلیٰ عہدیداروں نے کہا کہ چین بیرونی دنیا تک کاروباری روابط جاری رکھے گا جو کہ کاروبار میں ترقی کی یقین دہانی ہے۔ ملٹی نیشنل کمپنیاں چین میں تیز رفتار ی سے سرمایہ کاری کر رہی ہیں اور اس کے ذریعے چین کی مارکیٹ کو ہمہ گیر طور پر تلاش کرنے کا عزم رکھتی ہیں۔