Live Updates

ّسچن ٹنڈولکر کا بی سی سی آئی کے صدر بننے کی خبروں سے متعلق بڑا بیان

ہفتہ 13 ستمبر 2025 15:15

نئی دلی (اُردو پوائنٹ اخبارتازہ ترین - این این آئی۔ 13 ستمبر2025ء)بھارتی کرکٹ بورڈ (بی سی سی آئی) کے صدر بننے کی خبروں پر بھارت کے سابق لیجنڈ کرکٹر سچن ٹنڈولکر نے بلآخر لب کشائی کی ہے۔بھارتی میڈیا رپورٹس کے مطابق رواں ماہ کے آخر میں بی سی سی آئی اعلیٰ عہدوں کے لیے انتخابات کا انعقاد کرے گا اس سے قبل سچن ٹنڈولکر بورڈ کے اگلے صدر کے ممکنہ امیدواروں میں شامل ہونے کی افواہیں گردش کررہی تھیں۔

(جاری ہے)

رپورٹس کے مطابق بی سی سی آئی کا ارادہ ہے کہ وہ لیجنڈری کرکٹر سچن ٹنڈولکر کو اپنا اگلا صدر مقرر کرے، بعدازاں ایک اور رپورٹ میں دعویٰ کیا گیا کہ بیٹنگ لیجنڈ ٹنڈولکر ممکنہ طور پر بی سی سی آئی کے صدر کے طور پر راجر بنی کی جگہ لے سکتے ہیں۔تاہم یہ سارا معاملہ سامنے آنے کے بعد اب سابق بھارتی کرکٹر سچن ٹنڈولکر نے ان تمام افواہوں کو مسترد کردیا ہے۔بھارتی میڈیا رپورٹس کے مطابق سچن ٹنڈولکر بھارتی کرکٹ بورڈ بی سی سی آئی کے صدر کے ہونے والے انتخابات میں حصہ نہیں لیں گے اٴْن کا کہنا ہے کہ اس حوالے سے چلنے والی تمام خبریں بے بنیاد ہیں۔