Live Updates

بولنگ شاندار رہی لیکن بیٹنگ مزید بہتر کرنا ہوگی، سلمان علی آغا

ہم کسی بھی ٹیم کو ہرانے کی صلاحیت رکھتے ہیں، قومی ٹیم بھارت سے مقابلے کیلئے ہر طرح سے تیار ہے‘میچ کے بعد گفتگو

ہفتہ 13 ستمبر 2025 13:31

بولنگ شاندار رہی لیکن بیٹنگ مزید بہتر کرنا ہوگی، سلمان علی آغا

دبئی(اُردو پوائنٹ اخبارتازہ ترین - این این آئی۔ 13 ستمبر2025ء) قومی ٹیم کے کپتان سلمان علی آغا نے کہا ہے کہ ہماری بولنگ شاندار رہی لیکن بیٹنگ مزید بہتر کرنا ہوگی۔میچ کے بعد میڈیا سے گفتگو کرتے ہوئے ان کا کہنا تھا کہ ہماری بولنگ شاندار رہی لیکن بیٹنگ مزید بہتر کرنا ہوگی، ہمیں 180 کے قریب رنز بنانے چاہئیں تھے۔

(جاری ہے)

بھارت کیخلاف میچ کے حوالے سے کیے گئے ایک سوال کے جواب میں انہوں نے کہا کہ ہم کسی بھی ٹیم کو ہرانے کی صلاحیت رکھتے ہیں، قومی ٹیم بھارت سے مقابلے کیلیے ہر طرح سے تیار ہے۔

واضح رہے کہ ایشیا کپ 2025 کے چوتھے میچ میں پاکستان نے عمان کو باآسانی 93 رنز سے شکست دی۔پاکستان کی جانب سے دیے گئے 161 رنز کے تعاقب میں عمان کی ٹیم 16.4 اوورز میں 67 رنز پر ڈھیر ہوگئی، محمد حارث کو 66 رنز کی اننگز کھیلنے پر مین آف دی میچ قرار دیا گیا۔حماد مرزا 27 رنز بناکر آؤٹ ہوئے، عامر کلیم 13 رنز بناسکے۔ عمان کے 8 کھلاڑی ڈبل فگر میں بھی داخل نہ ہوسکے۔پاکستان کی جانب سے صائم ایوب، سفیان مقیم اور فہیم اشرف نے دو، دو کھلاڑیوں کو آؤٹ کیا۔