Live Updates

سلمان آغا الیون نے پاکستان کی 19 سالہ ٹی ٹونٹی کرکٹ کی تاریخ کا منفرد ریکارڈ اپنے نام کرلیا

گرین شرٹس بابر اعظم یا سرفراز احمد کی قیادت میں بھی یہ اعزاز کبھی نہیں حاصل کرسکے تھے

ذیشان مہتاب ہفتہ 13 ستمبر 2025 12:57

سلمان آغا الیون نے پاکستان کی 19 سالہ ٹی ٹونٹی کرکٹ کی تاریخ کا منفرد ..

لاہور (اردو پوائنٹ تازہ ترین اخبار ۔ 13 ستمبر 2025ء ) پاکستان کرکٹ ٹیم نے سلمان علی آغا کی قیادت میں ایسا منفرد اعزاز اپنے نام کرلیا جو اور کوئی کپتان نہیں کرپایا تھا۔

قومی ٹیم نے رواں سال اب تک انٹرنیشنل ٹی ٹونٹی کرکٹ میں 154 چھکے لگائے ہیں جو کسی بھی کیلنڈر ایئر میں پاکستانی بیٹرز کی جانب سے لگائے گئے چھکوں کی سب سے بڑی تعداد ہے۔

اس سے قبل قومی ٹیم کے بیٹرز نے گزشتہ سال 152 چھکے تھے۔ گرین شرٹس کے بیٹر اس سے پہلے 2021ء میں 147 چھکے، 2022ء میں 114 چھکے اور 2018ء میں 105 چھکے بھی لگاچکے ہیں۔

پاکستانی ٹیم اب کل بروز اتوار 14 ستمبر کو روایتی حریف بھارت کا مقابلہ کرے گی۔

پاکستان اور بھارت ٹی ٹونٹی بین الاقوامی مقابلوں میں 13 بار آمنے سامنے ہو چکے ہیں اور بھارت کو 3-10 کی برتری حاصل ہے۔

(جاری ہے)

روایتی حریفوں کے مابین آخری ٹاکرا فروری میں دبئی میں آئی سی سی چیمپئنز ٹرافی 2025ء کے دوران ہوا تھا جہاں ہندوستان نے چھ وکٹوں سے فتح حاصل کی تھی۔

واضح رہے کہ ایشیا کپ کے چوتھے میچ میں پاکستان نے عمان کو 93 رنز کے بھاری مارجن سے شکست دے کر ایونٹ کا فاتحانہ آغاز کر دیا۔

دبئی میں کھیلے گئے میچ میں ہدف کا تعاقب کرتے ہوئے عمانی بیٹرز پاکستانی بولر کے سامنے بے بس دکھائی دیے، پوری ٹیم 16.4 اوورز میں 67 بنا کر ڈھیر ہوگئی۔

عمان کی جانب سے حماد مرزا 27 رنز بنا کر نمایاں رہے۔عامر کلیم 13، شکیل احمد 10، محمد ندیم 3، ونایک شکلا 2، حسنین شاہ 1، کپتان جتندر سنگھ 1، شاہ فیصل 1، سفیان محمود 1 اور ذکریا اسلام 0 کے انفرادی اسکور پر آؤٹ ہوئے۔

پاکستان کی جانب سے سفیان مقیم، فہیم اشرف اور صائم ایوب نے 2، 2 وکٹیں حاصل کیں جبکہ ابرار احمد، شاہین شاہ آفریدی اور محمد نواز نے 1، 1 کھلاڑی کو آؤٹ کیا۔

اس سے قبل پاکستان نے ٹاس جیت کر پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 160 رنز اسکور کیے۔

پاکستان کی جانب سے وکٹ کیپر بیٹر محمد حارث 66 رنز بنا کر نمایاں رہے۔ صاحبزادہ فرحان 29، محمد نواز 19، فہیم اشرف 8 اور حسن نواز9 رنز بنا کر آؤٹ ہوئے۔

صائم ایوب اور کپتان سلمان آغا کھاتا کھولے بغیر پویلین لوٹے۔ فخر زمان اور شاہین شاہ آفریدی بالترتیب 23 اور 2 رنز بنا کر ناٹ آؤٹ رہے۔

عمان کی جانب سے عامر کلیم اور شاہ فیصل نے 3، 3 کھلاڑیوں کو آؤٹ کیا جبکہ محمد ندیم نے 1 وکٹ حاصل کی۔

ایشیاء کپ سے متعلق تازہ ترین معلومات

Facebook Twitter Google + Share on Whatsapp

سلمان آغا الیون نے پاکستان کی 19 سالہ ٹی ٹونٹی کرکٹ کی تاریخ کا منفرد ریکارڈ اپنے نام کرلیا

گرین شرٹس بابر اعظم یا سرفراز احمد کی قیادت میں بھی یہ اعزاز کبھی نہیں حاصل کرسکے تھے

متعلقہ عنوان :

مزید کھیلوں کی خبریں