Live Updates

سیلاب متاثرین کے لیے محکمہ سوشل ویلفیئر کے ریلیف اقدامات مسلسل جاری ہیں،صوبائی وزیر سوشل ویلفیئر

ہفتہ 13 ستمبر 2025 16:32

گوجرانوالہ (اُردو پوائنٹ اخبارتازہ ترین - اے پی پی۔ 13 ستمبر2025ء) صوبائی وزیر سوشل ویلفیئر سہیل شوکت بٹ نے کہاہے کہ سیلاب متاثرین کے لیے وزیراعلیٰ پنجاب مریم نواز کی قیادت میں محکمہ سوشل ویلفیئر کے ریلیف اقدامات مسلسل جاری ہیں‘ حکومت پنجاب آزمائش کی اس گھڑی میں متاثرین کو تنہا نہیں چھوڑے گی۔ان خیالات کا اظہار انہوں نے گورنمنٹ بوائز ہائی سکول سہوہدرہ میں قائم فلڈ ریلیف کیمپ میں سیلاب متاثرین 200 خاندانوں میں راشن تقسیم کرتے ہوئے کیا۔

ڈپٹی کمشنرگوجرانوالہ نوید احمد،اے ڈی سی جی فیصل سلطان،اے سی وزیر آباد،ڈائریکٹر سوشل ویلفیئر گوجرانوالہ ڈوثرن ارشاد وحید،ڈپٹی ڈائریکٹر سوشل ویلفیئر سمیرا اقبال و دیگر افسران بھی اس موقع پر موجود تھے۔صوبائی وزیر سوشل ویلفیئر سہیل شوکت بٹ نے کہا کہ محکمہ سوشل ویلفیئر کا عوامی خدمت کا شاندار جذبہ، ضلعی انتظامیہ اور سماجی تنظیموں کے تعاون سے جاری ہے، وزیراعلیٰ مریم نواز شریف کی شبانہ روز کاوشیں متاثرین کے لیے سہارا ہیں،جانوروں اور فصلوں کے نقصان کا ازالہ حکومت کرے گی۔

(جاری ہے)

انہوں نے کہا کہ حکومت کے ساتھ پرائیویٹ افراد اور تنظیمیں بھی سیلاب ریلیف کے کاموں میں شریک ہیں،100 سے زائد این جی اوز کے جذبے کی قدر کرتے ہیں۔ صوبائی وزیر نے کہا کہ سیلاب کی صورتحال کا فائدہ اٹھانے والوں کے خلاف سخت کارروائی کی جائے گی حکومت نے گندم کی قیمتوں پر فوری قابو پا لیا، کسی کو بھی عوا م سے لو ٹ مارکی اجازت نہیں دینگے۔\378