وفاق نے 1لاکھ میٹرک ٹن چینی درآمد کیلئے ایک اور ٹینڈر جاری کردیا

ہفتہ 13 ستمبر 2025 21:50

اسلام آباد (اُردو پوائنٹ اخبارتازہ ترین - این این آئی۔ 13 ستمبر2025ء)وفاقی حکومت نے 1 لاکھ میٹرک ٹن چینی کی درآمد کیلیے ایک اور ٹینڈر جاری کردیا۔ٹریڈنگ کارپوریشن آف پاکستان نے 23 ستمبر تک ایک لاکھ میٹرک ٹن چینی کی درآمد کیلئے بولیاں طلب کی ہیں۔

(جاری ہے)

اعلامئے کے مطابق چینی درآمد کیلئے طلب کی گئی بولیاں اس روز کھولی جائیں گی، اس معاملے میں 25ہزار ٹن سے کم کی بولیاں منظور نہیں کی جائیں گی۔

اس سے قبل ٹی سی پی نے 1 لاکھ میٹرک ٹن چینی کی درآمد کا ٹینڈر 8 ستمبر کو کھولا تھا، جس میں 5بولیاں موصل ہوئی تھی۔وفاقی کابینہ نے رواں سال جولائی میں 5 لاکھ میٹرک ٹن چینی درآمد کرنے کی منظوری دی تھی، چینی سرکاری سطح پر ٹی سی پی کے ذریعے درآمد کرنے کا فیصلہ کیا گیا۔وفاقی حکومت نے چینی کی درآمد پر ٹیکسز سے استثنیٰ دے رکھا ہے۔