وینزویلا کے ساتھ کشیدگی، امریکا نے فوجی طاقت میں اضافہ شروع کردیا

اتوار 14 ستمبر 2025 14:20

کراکس (اُردو پوائنٹ اخبارتازہ ترین - این این آئی۔ 14 ستمبر2025ء)وینزویلا کے ساتھ کشیدگی میں اضافے کے بعد امریکا نے ایف 35 طیارے پورٹو ریکو میں تعینات کردیے۔غیرملکی میڈیا کے مطابق امریکی صدر ڈونلڈ ٹرمپ کے حکم پر کریبین جزائر کے قریب امریکا نے فوجی طاقت میں اضافہ شروع کردیا ہے۔

(جاری ہے)

امریکی صدر نے گزشتہ ہفتے 10 جدید جنگی اسٹیلتھ طیارے بھیجنے کا اعلان کیا تھا جو مبینہ طور پر وینزویلا کے منشیات کارٹلز کے خلاف کارروائی کریں گے۔پورٹو ریکو کے شہر سیبا کے فوجی اڈے پر ایف-35 طیاروں کے علاوہ امریکی ہیلی کاپٹر، اوسپرے ٹرانسپورٹ طیارے اور فوجی اہلکار بھی پہنچے ہیں۔