Live Updates

وائس چانسلر پروفیسر ڈاکٹر محمد علی کی ہدایت پر سیلاب زدگان کی امدادکیلئے پہلی کھیپ روانہ

پیر 15 ستمبر 2025 17:59

لاہور (اُردو پوائنٹ اخبارتازہ ترین - این این آئی۔ 15 ستمبر2025ء)وائس چانسلر پنجاب یونیورسٹی پروفیسر ڈاکٹر محمد علی کی ہدایت پر اساتذہ ،ملازمین اورطلبا ئو طالبات کی جانب سے سیلاب زدگان کی مدد کے لیے پہلی کھیپ علی پور اور سید پور کے لئے روانہ کردی گئی۔ اپنے پیغام میں وائس چانسلر پروفیسر ڈاکٹر محمد علی نے کہا کہ پنجاب یونیورسٹی قومی سانحات میں ہمیشہ پیش پیش رہی ہے۔

(جاری ہے)

انہوں نے کہا کہ بدترین سیلاب کی وجہ سے زراعت اور لائیو سٹاک کے شعبوں کو بڑا جھٹکا لگا ہے۔ انہوںنے کہا کہ مشکل کی اس گھڑی میں سب کو مل کر اپنا کردار ادا کرنا ہوگا۔ انہوں نے کہا کہ سیلاب زدگان کی مدد کے لیے ملکی اداروں کی کاوشیں قابل ستائش ہیں۔انہوں نے کہا کہ پنجاب یونیورسٹی کے اساتذہ و ملازمین سیلاب زدگان کی امداد کے لئے ایک دن کی تنخواہ رضاکارانہ طور پر وقف کریں گے۔انہوں نے کہا کہ متاثرین کی ذہنی صحت کی بحالی کے لئے بھی پنجاب یونیورسٹی خدمات فراہم کرے گی۔