کترینہ اور وکی کے ہاں آئندہ ماہ پہلے بچے کی پیدائش متوقع، بھارتی میڈیا کا دعوی

کترینہ کیف اور اداکار وکی کوشل 9دسمبر 2021کو راجستھان میں ایک شاہانہ تقریب کے دوران رشتہ ازدواج میں منسلک ہوئے تھے

منگل 16 ستمبر 2025 10:50

ممبئی (اُردو پوائنٹ اخبارتازہ ترین - این این آئی۔ 16 ستمبر2025ء)بالی وڈ اداکارہ کترینہ کیف اور اداکار وکی کوشل کے پہلے بچے کی پیدائش سے متعلق خبریں ایک بار پھر بھارتی میڈیا کی زینت بن گئیں۔بھارتی میڈیا رپورٹس میں دعوی کیا جارہا ہے کہ کترینہ اور وکی کے ہاں پہلے بچے کی پیدائش اکتوبر اور نومبر میں متوقع ہے تاہم جوڑے کی جانب سیتاحال اس حوالے سے کوئی باضابطہ اعلان سامنے نہیں آسکا ہے۔

بھارتی میڈیا کے مطابق کترینہ کیف بچے کی پیدائش کے بعد کام سے طویل وقفہ لیں گے۔واضح رہے کہ کترینہ کے حاملہ ہونے سے متعلق کئی ماہ سے قیاس آرائیاں کی جارہی ہیں ان افواہوں کے دوران کترینہ لائم لائٹ سے مکمل طور پر دور ہیں۔ کترینہ کیف اور اداکار وکی کوشل 9دسمبر 2021کو راجستھان میں ایک شاہانہ تقریب کے دوران رشتہ ازدواج میں منسلک ہوئے تھے ۔

(جاری ہے)

شادی کیکچھ عرصے بعد ہی اداکارہ کے حاملہ ہونے کے حوالے سے افواہیں شروع ہوئی تھیں جس کے بعد گزشتہ برس جون 2024میں فلم بیڈ نیوز کی پروموشن کی تقریب میں صحافیوں نے وکی سے بچے کی جلد پیدائش سے متعلق سوال کیا تھا کہ گڈ نیوز کب آرہی ہی اس پر جواب دیتے ہوئے وکی کوشل نے کہا تھا کہ جس گڈ نیوز کی آپ بات کررہے ہیں، اس سے متعلق چلنے والی ساری خبریں جھوٹی ہیں اور یہ صرف افواہیں ہیں، اگر ایسی کوئی بات ہوگی تو ہم اسے سب کے ساتھ شیئر کرنے میں خوشی محسوس کریں گے ۔اس سے قبل ماضی میں بھی کترینہ اور وکی کوشل کی ٹیم کی جانب سے اداکارہ کے حاملہ ہونے کی افواہوں کی کئی بار تردید کی جاچکی ہے۔