uآئی جی پنجاب سے پولیس ملازمین اور ان کے اہلخانہ کی ملاقات

گ*آئی جی پنجاب نے پولیس ملازمین کے مسائل سنے اور فوری ریلیف کے لیے احکامات جاری

منگل 16 ستمبر 2025 20:05

۱لاہور (اُردو پوائنٹ اخبارتازہ ترین - آن لائن۔ 16 ستمبر2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور ان کے اہلخانہ نے سنٹرل پولیس آفس میں ملاقات کی۔ اس موقع پر آئی جی پنجاب نے ملازمین کے مسائل سنے اور فوری ریلیف کے لیے متعلقہ افسران کو احکامات جاری کیے۔تفصیلات کے مطابق، آئی جی پنجاب نے 06 ٹی اے ایس آئیز کی پروبیشن پیریڈ کی مدت میں کمی کی درخواست پر ڈی آئی جی اسٹیبلشمنٹ ون کو ریلیف فراہم کرنے کی ہدایت کی۔

(جاری ہے)

کانسٹیبل (ریٹائرڈ) عارف علی کی مالی امداد کی درخواست پر ایڈیشنل آئی جی ویلفیئر اینڈ فنانس کو ریلیف کی ہدایت جاری کی۔ اسی طرح کانسٹیبل ولی محمد کی اندراج مقدمہ کی درخواست پر ڈی پی او ساہیوال کو ریلیف فراہم کرنے کی ہدایت دی گئی۔ریٹائرڈ ہیڈ کانسٹیبل پرویز اختر کی درخواست اور کانسٹیبل رفیق کی درخواست پر ڈی آئی جی اسٹیبلشمنٹ ٹو کو ریلیف دینے کی ہدایات جاری کی گئیں۔ جبکہ سینئر سکیورٹی کانسٹیبل ظفراللہ کی اندراج مقدمہ کی درخواست پر ڈی پی او پاکپتن کو ریلیف فراہم کرنے کے احکامات جاری کیے گئے۔آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کیے۔