خیبرپختونخوا اسمبلی کی قائمہ کمیٹی برائے ہاؤسنگ کا اجلاس

منگل 16 ستمبر 2025 20:10

پشاور (اُردو پوائنٹ اخبارتازہ ترین - اے پی پی۔ 16 ستمبر2025ء) خیبرپختونخوا اسمبلی کی قائمہ کمیٹی برائے ہاؤسنگ کا اجلاس کمیٹی کے چیئرمین جلال خان کی زیر صدارت اسمبلی کانفرنس ہال پشاور میں منعقد ہوا۔ اجلاس میں اراکین صوبائی اسمبلی زبیر خان، اکرام اللہ، بیری لعل اور خدیجہ بی بی کے علاوہ ہاؤسنگ ڈیپارٹمنٹ کے سیکرٹری، خیبر پختونخوا پراونشل ہاؤسنگ اتھارٹی کے ڈی جی اور ایڈیشنل ڈی جی، ہاؤسنگ فاؤنڈیشن کے پروجیکٹ ڈائریکٹر، نیو پشاور ویلی کے پروجیکٹ ڈائریکٹر اور دیگر متعلقہ افسران نے شرکت کی۔

اجلاس میں جلوزئی ہاؤسنگ سکیم نوشہرہ، سریزئی ہاؤسنگ سکیم پشاور، نیو پشاور ویلی، ہائی رائز فلیٹس حیات آباد پشاور، میگا سٹی ڈسٹرکٹ نوشہرہ، خیبرپختونخوا جوائنٹ وینچر ریگولیشنز 2021، اقلیتی کوٹہ اور لینڈ شیئرنگ ریگولیشنز 2021 پر غور کیا گیا۔

(جاری ہے)

محکمہ کمیٹی کے اراکین نے پلاٹ مالکان کو نئے قوانین کے مطابق مقررہ تعداد کے مطابق درخت لگانے کا پابند بنانے کے عمل کو بھی سراہا۔ اس موقع پر چیئرمین اسٹینڈنگ کمیٹی برائے ہاؤسنگ ایم پی اے جلال خان نے کہا کہ کمیٹی کے اراکین محکمہ ہاؤسنگ کے زیر انتظام زیر تعمیر متعدد ہاؤسنگ سکیموں کا دورہ کر کے ان کا جائزہ لیں گے۔ انہوں نے محکمے کی کارکردگی کو بہتر بنانے کے لیے ضروری اقدامات کرنے کے عزم کا بھی اظہار کیا۔