نائب وزیراعظم و وزیر خارجہ سینیٹر اسحاق ڈار اور جرمن ہم منصب کا ٹیلیفونک رابطہ، علاقائی اور عالمی امور پر گفتگو کی

منگل 16 ستمبر 2025 22:40

اسلام آباد (اُردو پوائنٹ اخبارتازہ ترین - اے پی پی۔ 16 ستمبر2025ء) نائب وزیراعظم و وزیر خارجہ سینیٹر محمد اسحاق ڈار سے جرمن وزیر خارجہ جوہان ویڈیفُل نے ٹیلی فونک رابطہ کیا ہے۔دونوں رہنماؤں نے پاکستان اور جرمنی کے تعلقات میں مثبت پیشرفت کو سراہتے ہوئے تعاون کو مزید فروغ دینے کے عزم کا اعادہ کیا۔

(جاری ہے)

وزارت خارجہ سے جاری بیان کے مطابق تبادلہ خیال کے دوران علاقائی اور عالمی امور پر گفتگو ہوئی جس میں قریبی رابطہ برقرار رکھنے پر اتفاق کیا گیا تاکہ باہمی افہام و تفہیم کو فروغ دیا جا سکے اور مشترکہ دلچسپی کے شعبوں میں تعاون کو مزید مستحکم بنایا جا سکے۔دونوں وزرائے خارجہ نے آئندہ ہفتے اقوام متحدہ کی جنرل اسمبلی کے اجلاس کے موقع پر ملاقات کرنے پر بھی اتفاق کیا۔