قطر حملے کے بعد حماس رہنما غازی حماد منظر عام پر آگئے

جمعرات 18 ستمبر 2025 22:52

دوحہ (اُردو پوائنٹ اخبارتازہ ترین - آن لائن۔ 18 ستمبر2025ء)قطر پر اسرائیلی حملے کے بعد حماس رہنما غازی حماد منظر عام پر آگئے۔عرب میڈیا کے مطابق سینئر حماس رہنما غازی حماد قطر میں اسرائیل حملے کے بعد پہلی دفعہ ٹی وی پر آکر حملے کی بعد کی صورتحال پر گفتگو کرتے ہوئے کہا کہ ہمارا مذاکراتی وفد امریکی پیشکش پر قطری مصالحت کاروں سے گفتگو میں مصروف تھے کہ ہمیں زور دار دھماکا سنا گیا۔

(جاری ہے)

انہوں نے بتایا کہ ہم جائے وقوع سے فوری طور پر روانہ ہوگئے کیوں کہ ہمیں اندازہ ہوگیا تھا کہ ہونے والے دھماکے دراصل اسرائیلی بمباری ہیں۔حماس رہنما نے کہا کہ اس دن حملے میں اسرائیل نے ہمارے 5 ارکان اور قطری سیکیورٹی اہلکار کو شہید کردیا تھا۔حملے میں اس مذاکراتی عمل میں امریکی صدر ڈونلڈ ٹرمپ کے جانب سے رکھی گئی یرغمالیوں کے لیے تجاویز پر بات چیت جاری تھی۔اسرائیلی بمباری شدید تھی، راکٹ بلا تعطل پھٹ رہے تھے، ایک منٹ سے بھی کم وقت میں 12 راکٹ ہمارے آس پاس پھٹے، لیکن اللّٰہ نے ہمیں اس حملے میں محفوظ رکھا۔