جلاؤ گھیراؤ کیس،اسد عمر ،اعظم سواتی کی عبوری ضمانت میں 6اکتوبرتک توسیع

جمعہ 19 ستمبر 2025 11:48

لاہور(اُردو پوائنٹ اخبارتازہ ترین - این این آئی۔ 19 ستمبر2025ء)انسداد دہشت گردی عدالت نے 9 مئی جناح ہاؤس، عسکری ٹاور حملہ، تھانہ شادمان کو نذر آتش کرنے سمیت دیگر مقدمات میں سابق وفاقی وزراء اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی۔جمعہ کولاہور کی انسداد دہشت گردی عدالت کے ایڈمن جج منظر علی گل نے کیس کی سماعت کی جس میں اسد عمر اور اعظم سواتی عدالت میں پیش ہوئے۔

(جاری ہے)

بعدازاں عدالت نے سابق وفاقی وزراء اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی۔ عدالت نے ملزمان کی عبوری ضمانتوں پر دلائل طلب کر رکھے تھے۔اسد عمر نے جناح ہاؤس، عسکری ٹاور اور تھانہ شادمان کیسز میں ضمانت دائر کی ،جبکہ اعظم خان سواتی نے جناح ہاؤس حملہ اور دیگر مقدمات میں عبوری ضمانت حاصل کر رکھی ہے، سابق وزراء پر بغاوت اور کارکنان کو جلاؤ گھیراؤ پر اکسانے کے الزامات عائد ہیں۔