بھارتی گائوں میں آزادی کے 78سال بعد پہلی بار بجلی فراہم کر دی گئی

78 سال کے اندھیرے کے بعد گھروں میں روشنی ہوئی تو لوگوں میں خوشی کی لہر دوڑ گئی

اتوار 21 ستمبر 2025 13:05

نئی دہلی(اُردو پوائنٹ اخبارتازہ ترین - این این آئی۔ 21 ستمبر2025ء)دنیا بھر میں آئے دن نئی ایجادات اور ترقی کے منصوبے سامنے آ رہے ہیں اور بھارت بھی خود کو تیزی سے ترقی کرنے والا ملک قرار دیتا ہے لیکن حیرت انگیز طور پر اسی بھارت میں ایک ایسا گاں بھی موجود ہے جہاں آزادی کے 78 سال بعد اب پہلی بار بجلی فراہم کی گئی ہے۔بھارتی میڈیا کے مطابق ریاست مہاراشٹرا کے ضلع تھانے کی تحصیل شاہاپور کے گائوں میں آزادی کے بعد پہلی بار بجلی پہنچا دی گئی۔

تقریبا 78 سال کے اندھیرے کے بعد گھروں میں روشنی ہوئی تو گائوں کے لوگوں میں خوشی کی لہر دوڑ گئی۔ مہاراشٹرا اسٹیٹ الیکٹرسٹی ڈسٹری بیوشن کمپنی لمیٹڈ کے مطابق گاں کے 15 گھروں میں بجلی فراہم کی گئی ہے، جہاں تقریبا 60 سے 80 افراد رہائش پذیر ہیں۔

(جاری ہے)

انہوں نے بتایا کہ ایک نیا 63 کے وی اے ٹرانسفارمر اور 67 کھمبے نصب کیے گئے ہیں جن پر 50 لاکھ بھارتی روپے سے زائد لاگت آئی۔

اس کے ذریعے گھروں اور اسٹریٹ لائٹس تک بجلی پہنچا دی گئی ہے۔حکام کے مطابق اس منصوبے کی منظوری 2 سال قبل دی گئی تھی۔ اس گاں کا جنگلاتی علاقے میں ہونے کی وجہ سے متعدد محکموں، خصوصا محکمہ جنگلات سے اجازت لینا ضروری تھا۔ مزید یہ کہ سڑکیں نہ ہونے کی وجہ سے کھمبے اور ٹرانسفارمر لے جانا انتہائی مشکل مرحلہ تھا۔ حکام کا کہنا تھا کہ پہاڑی علاقہ ہونے کی وجہ سے اس گاں میں بجلی پہنچانا ایک بڑا چیلنج تھا، لیکن اب مقامی لوگوں کی مدد سے یہ کام مکمل کیا گیا اور آخرکار گائعں کے گھروں کا اندھیرا دور ہو گیا۔

ایک مقامی شخص نے بجلی آنے کے بعد خوشی کا اظہار کرتے ہوئے کہا کہ 'ہمارا اندھیرا 78 سال بعد ختم ہو گیا ہے۔ اب ہم بھی دوسروں کی طرح دیوالی روشنیوں کے ساتھ منا سکیں گے۔جب گائوں کے گھروں میں پہلی بار روشنی ہوئی تو اس تاریخی موقع پر گاں کے رہائشیوں نے آتشبازی کی اور نعروں کے ساتھ جشن منایا۔