ایس ای سی پی نے مرجرز اور وائنڈنگ اپ کے حوالے سے سوالات و جوابات جاری کر دیئے

پیر 22 ستمبر 2025 13:15

اسلام آباد (اُردو پوائنٹ اخبارتازہ ترین - اے پی پی۔ 22 ستمبر2025ء) سکیورٹیز اینڈ ایکسچینج کمیشن آف پاکستان (ایس ای سی پی) نے کمپنیوں کے مرجرز، ایملگیشنز، وائنڈنگ اپ اور بحالی کے حوالے سے وضاحت اور معاونت فراہم کرنے کے لیے اکثر پوچھے جانے والے سوالات (FAQs) کا ایک سیٹ جاری کیا ہے۔ اس اقدام کا مقصد ان شعبوں کو کنٹرول کرنے والے ریگولیٹری فریم ورک کے بارے میں سٹیک ہولڈرز کے فہم میں اضافہ کر کے ان سب کی سہولت فراہم کرنا ہے۔

(جاری ہے)

یہ سوالات و جوابات متعلقہ حکام کے دائرہ اختیار، درخواست کے طریقہ کار، درکار دستاویزات، ضروری منظوریوں اور کلیدی تصورات سمیت مختلف موضوعات پر جامع رہنمائی فراہم کرتے ہیں۔کمپنیوں، قانونی پریکٹیشنرز، مشیروں اور دیگر اسٹیک ہولڈرز کی مدد کے لیے تیار کیے گئے یہ سوالات و جوابات مرجر، وائنڈنگ اپ اور بحالی کی کارروائیوں میں شامل پیچیدگیوں کو سمجھنے اور ایک ہموار عمل کو یقینی بنانے میں ان کی مدد کریں گے۔یہ سوالات و جوابات آسان رسائی کو یقینی بنانے کے لیے ایس ای سی پی کی ویب سائٹ پر دستیاب ہیں۔ یہ سٹیک ہولڈرز کو کارپوریٹ تنظیم نو، مالی خطرات کو کم کرنے اور ملک میں قابل عمل کاروبار کو بحال کرنے میں مدد فراہم کریں گے۔