آئی ٹی سی این ایشیا2025 کی تین روزہ نمائش کا کراچی ایکسپو سینٹر میں آغاز

منگل 23 ستمبر 2025 12:37

اسلام آباد (اُردو پوائنٹ اخبارتازہ ترین - اے پی پی۔ 23 ستمبر2025ء) آئی ٹی سی این ایشیا2025 کی تین روزہ نمائش کا کل (منگل )سے کراچی ایکسپو سینٹر میں آغاز ہوگیا ہے،وزارت آئی ٹی و ٹیلی کام کے ٹیک ڈیسٹی نیشن پاکستان کے تحت نمائش میں کثیر الملکی سرمایہ کار شرکت کررہے ہیں ۔

(جاری ہے)

تفصیلات کے مطابق نمائش میں برطانیہ، ترکیہ، آذربائیجان، سعودی عرب، چین، امریکا سمیت دیگر ممالک کے وفود شریک ہیں،ڈیجیٹل پاکستان کے وژن کے تحت آئی ٹی سیکٹر نوجوانوں کے روزگار میں اضافے کے لیے کوشاں ہیں۔

نمائش میں اہم معاہدوں کے ذریعے ٹیکنالوجی کے شعبہ میں سرمایہ کاری کو فروغ دیا جائے گا۔ایونٹ عالمی سطح پر پاکستان کو جدید' آئی ٹی اور ٹیلی کام ہب' کے طور پر روشناس کرائے گا۔آئی ٹی سیکٹر میں ترقیاتی اقدامات اور ڈیجیٹل معیشت کی مضبوطی میں ایس آئی ایف سی اہم کردار ادا کر رہی ہے۔ایس آئی ایف سی کی آئی ٹی سیکٹر میں جدت اور تکنیکی استعداد بڑھانے کی کاوشیں ثمرآور ہوں گی ۔