بھارتی شہر بنگلورو کے مندروں سے جعلی پجاری بن کر سونا چوری کرنے والے 2 ملزمان گرفتار

بدھ 24 ستمبر 2025 17:24

بنگلورو(اُردو پوائنٹ اخبارتازہ ترین - این این آئی۔ 24 ستمبر2025ء)بھارت کے شہر بنگلورو کے مندروں سے سونا چوری کرنے کے الزام میں 2 ملزمان کو گرفتار کرلیا گیا۔بھارتی میڈیا کے مطابق ایک ملزم جعلی پجاری اور دوسرا اس کا مددگار بن کر وارداتیں کرتا تھا۔

(جاری ہے)

ملزمان کے حوالے سے 13 کیسز رپورٹ ہوچکے تھے، پولیس نے ملزمان کو گرفتار کر کے 14 لاکھ روپے مالیت کا سامان برآمد کرلیا ہے۔بھارتی میڈیا کے مطابق ایک ملزم کی عمر 51 اور دوسرے کی عمر 31 سال ہے، ان کے قبضے سے موٹرسائیکل بھی برآمد کی گئی ہے۔دونوں ملزمان نے گرفتاری کے بعد پوچھ گچھ کے دوران جرائم کا اعتراف کرلیا ہے اور کہا ہے کہ وہ ایسا شاہانہ طرزِ زندگی جینے کے لیے کرتے تھے۔