گوگل نے پاکستان میں اے آئی پلس پلان متعارف کرا دیا

پلان لوگوں کی تخلیقی صلاحیتوں کو بڑھانے میں طاقتور اے آئی ٹولز تک اضافی رسائی فراہم کرتا ہے،رپورٹ

بدھ 24 ستمبر 2025 14:59

گوگل نے پاکستان میں اے آئی پلس پلان متعارف کرا دیا

نیویارک (اُردو پوائنٹ اخبارتازہ ترین - این این آئی۔ 24 ستمبر2025ء)گوگل نے پاکستان میں اے آئی پلسپلان متعارف کرانے کا اعلان کردیا۔نیا پلان صارفین کو گوگل اے آئی کے ذریعے مزید کام کرنے اور بااختیار بنانے کے لیے ڈیزائن کیا گیا ہے، یہ نیا پلان لوگوں کی تخلیقی صلاحیتوں کو بڑھانے میں طاقتور AI ٹولز تک اضافی رسائی فراہم کرتا ہے اور یہ سب نہایت باکفایت قیمت پر دستیاب ہے۔

(جاری ہے)

گوگل اے آئی پلس پلان کے تحت پاکستان میں صارفین درج ذیل فوائد حاصل کر سکتے ہیں۔جیمنائی ایپ میں امیج جنریشن اور ایڈیٹنگ یعنی Nano Banana کے لیے زیادہ گنجائش ہے، اس سے جیمنائی 2.5 پرو تک مزید رسائی ہوگی، جو پیچیدہ سوالات کے لیے گوگل کا سب سے طاقتور اے آئی ماڈل ہے، ویڈیو جنریشن ماڈل Veo 3 Fast تک بھی رسائی ممکن ہوسکے گی جو جیمنائی، Whisk اور Flow میں دستیاب ہے، جی میل، ڈاکس، شیٹس اور دیگر گوگل سروسز میں جیمنائی کا انضمام ہوگا، فوٹوز، ڈرائیو اور جی میل میں 200 جی بی اسٹوریج کی سہولت موجود ہوگی۔