ناروے کے دارالحکومت اوسلو میں دستی بم دھماکا، 13 سالہ لڑکا گرفتار

جائے وقوع سے ایک ناکارہ دستی بم برآمد،دیگردومشکوک افرادکوبھی گرفتارکرلیا،پولیس

بدھ 24 ستمبر 2025 14:46

اوسلو (اُردو پوائنٹ اخبارتازہ ترین - این این آئی۔ 24 ستمبر2025ء)ناروے کے دارالحکومت اوسلو کے علاقہ بشلٹ میں دستی بم دھماکا ہوا۔پولیس کے مطابق دھماکے کے نتیجے میں کوئی جانی نقصان نہیں ہوا نہ ہی کسی کے زخمی ہونے کی اطلاعات ملیں ہیں۔

(جاری ہے)

دھماکے کی اطلاع ملتے ہی پولیس فوری جائے وقوع پہنچی جس کے بعد موقعے سے ایک 13 سالہ لڑکے کو گرفتار کرلیا گیا ہے جبکہ 2 افراد کو حراست میں لے لیا گیا ہے، جائے وقوع سے ایک ناکارہ دستی بم برآمد ہوا ہے۔پولیس نے خدشہ ظاہر کیا ہے کہ اس دھماکے میں کئی لوگ ملوث ہوسکتے ہیں۔