ڈینگی کی افزائش بڑھ گئی، لاہور سمیت پنجاب بھر میں 46 مریض رپورٹ

بدھ 24 ستمبر 2025 14:59

لاہور (اُردو پوائنٹ اخبارتازہ ترین - این این آئی۔ 24 ستمبر2025ء) صوبائی دارالحکومت سمیت پنجاب بھر میں ڈینگی مچھروں کی افزائش میں اضافہ ہو گیا، چوبیس گھنٹوں میں 46ڈینگی کے کنفرم مریض سامنے آگئے۔

(جاری ہے)

ذرائع کے مطابق لاہور سمیت پنجاب بھر میں گذشتہ چوبیس گھنٹوں میں 46ڈینگی کے کنفرم مریض رپورٹ ہوئے ہیں، گذشتہ چوبیس گھنٹوں میں لاہور میں ڈینگی کے 11مریض سامنے آئے ہیں۔پنجاب میں ڈینگی کے کنفرم مریضوں کی مجموعی تعداد 1134تک پہنچ گئی ہے جبکہ لاہورمیں ڈینگی کے کنفرم مریضوں کی تعداد 182ہو گئی ہے۔ذرائع کے مطابق شہر میں ڈینگی کے مشتبہ مریضوں کی تعداد میں تیزی سے اضافہ ہو رہا ہے، رواں سال شہر میں ڈینگی کے مریضوں میں خطرناک حد تک اضافہ ہونے کا خدشہ ہے۔