ننکانہ صاحب،ڈسٹرکٹ ایکسیڈنٹ ریویو کمیٹی کا ماہانہ اجلاس

بدھ 24 ستمبر 2025 16:28

ننکانہ صاحب (اُردو پوائنٹ اخبارتازہ ترین - اے پی پی۔ 24 ستمبر2025ء) ڈپٹی کمشنر ننکانہ صاحب محمد تسلیم اختر راؤکی زیرصدارت ڈسٹرکٹ ایکسڈنٹ ریویو کمیٹی کا ماہانہ اجلاس ڈی سی کمیٹی روم میں منعقد ہوا۔ایڈیشنل ڈپٹی کمشنر جنرل شاہد کھوکھر ، اسسٹنٹ کمشنر ننکانہ عطیہ عنائیت ، پولیس، ریسکیو 1122 ، سی او ضلع کونسل، سی او میونسپل کمیٹیز ، ہائی وے، ایکسائز سمیت دیگر متعلقہ اداروں کے افسران بھی اجلاس میں موجود تھے۔

ڈپٹی کمشنر محمد تسلیم اختر راو نے اجلاس میں موجود افسران سے خطاب کرتے ہوئے کہا کہ نئے بنائے جانے والے روڑز پر لین مارکنگ اور کے ٹایئز کو یقینی بنایا جائے ، روڈ لیول اور میٹریل کی کوالٹی پر کوئی سمجھوتہ نہ کیا جائے۔انہوں نے کہا کہ روڈز اور نہروں پر حفاظتی دیواریں ، نہروں اور برساتی نالوں پر سائن بورڈز اور ریفلیکٹرز آویزاں کیے جائیں۔

(جاری ہے)

ڈی سی ننکانہ نے کہا کہ مین شاہرات پر سپیڈ بریکرز نہ بنائے جائیں اور متعلقہ افسران سکولوں کے جانے والے راستوں کو بہتر بنانے کے لیے خصوصی اقدامات کریں۔انہوں نے ٹریفک پولیس و دیگر اداروں کے افسران کو ہدایت جاری کرتے ہوئے کہا کہ اوور لوڈنگ کرنے والوں کے خلاف کاروائیوں میں تیزی لائیں ، روڈز پر لوڈنگ پوائنٹس بھی قائم کیے جائیں ، وزن کی رسید نہ رکھنے والی لوڈڈ گاڑیوں کے خلاف سخت کاروائی کی جائے۔

انہوں نے کہا کہ تینوں تحصیلوں میں غیر قانونی روڈ کٹس کو بند کر دیا جائے ، ایکسل لوڈ مینجمنٹ پر سختی سے عملدرآمد کروایا جائے مقررہ حد سے زیادہ وزن ڈالنے والی گاڑیوں کو آف لوڈ کروا دیا جائے۔ڈی سی ننکانہ نے والدین سے اپیل کرتے ہوئے کہا کہ 18 سال سے کم عمر بچوں کو بائیکس اور گاڑیاں دینے سے گریز کریں اور انکی زندگیوں کی حفاظت کریں۔\378

Facebook Twitter Google + Share on Whatsapp

ننکانہ صاحب،ڈسٹرکٹ ایکسیڈنٹ ریویو کمیٹی کا ماہانہ اجلاس

متعلقہ عنوان :

مزید قومی خبریں