امریکی بحری جہاز یو ایس ایس وین ای میئر کی کراچی آمد،پاک بحریہ کے اعلیٰ حکام کا مہمان عملے کا استقبال

امریکی بحری جہاز کا عملہ مختلف پیشہ ورانہ سرگرمیوں، مشترکہ مشقوں اور تربیتی سیشنز میں شرکت کرے گا

بدھ 24 ستمبر 2025 22:15

امریکی بحری جہاز یو ایس ایس وین ای میئر کی کراچی آمد،پاک بحریہ کے اعلیٰ ..

کراچی(اُردو پوائنٹ اخبارتازہ ترین - آن لائن۔ 24 ستمبر2025ء)امریکی بحری جہاز یو ایس ایس وین ای میئر دو روزہ دورے پر کراچی بندرگاہ پہنچ گیا۔ یہ دورہ امریکی اور پاک بحریہ کے مابین جاری بحری تعاون میں ایک اہم سنگِ میل کی حیثیت رکھتا ہے۔امریکی بحری جہاز کی آمد پر پاک بحریہ کے اعلیٰ حکام نے مہمان عملے کا استقبال کیا۔ اس موقع پر امریکہ کے ناظم الامور (Charg: d’ Affaires) اور امریکی قونصل خانے کے نمائندے بھی موجود تھے۔

(جاری ہے)

دورہ کراچی کے دوران امریکی بحری جہاز کے عملے کی جانب سے مختلف پیشہ ورانہ سرگرمیوں، مشترکہ مشقوں اور تربیتی سیشنز میں شرکت کی جائے گی جن کا مقصد باہمی تعاون میں اضافہ اور پیشہ ورانہ صلاحیتوں کے تبادلے کو فروغ دینا ہے۔ یہ دورہ شمالی بحیرہ? عرب میں بحری مشق (PASSEX) کے ساتھ اختتام پذیر ہوگا، جس میں یو ایس ایس وین ای۔ میئر اور پاک بحریہ کے جہاز حصہ لیں گے۔یہ دورہ دونوں ممالک کی بحریہ کے درمیان تعلقات کو مزید مستحکم کرنے کا عکاس ہے اور علاقائی امن و استحکام اور عالمی سلامتی کے فروغ کے لیے مشترکہ عزم کا اعادہ کرتا ہی