اسلام آباد ، 6 اشتہا ری مجرمان سمیت 18 جرائم پیشہ عناصر گرفتار

جمعرات 25 ستمبر 2025 19:18

اسلام آباد(اُردو پوائنٹ اخبارتازہ ترین - این این آئی۔ 25 ستمبر2025ء)اسلام آباد پولیس نے 6 اشتہا ری مجرمان سمیت18جر ائم پیشہ عناصر گرفتارکرکے قبضہ سے منشیات اور اسلحہ معہ ایمونیشن برآمدکرلیا۔

(جاری ہے)

تفصیلات کے مطابق انسپکٹر جنرل آف پولیس اسلام آبادسید علی ناصر رضوی کے خصوصی احکامات پر اسلام آباد پولیس کا وفاقی دارلحکومت میں شہریوں کی جان ومال کے تحفظ کو یقینی بنانے کیلئے جرائم کے انسداد اور جرائم پیشہ عناصر کی گرفتار ی کے لئے مو ثر کریک ڈاؤن جاری ہے،اس سلسلہ میں تھانہ سیکر ٹریٹ، تھانہ کوہسار، تھانہ شالیمار، تھانہ ترنول، تھانہ سبزی منڈی، تھانہ کھنہ، تھانہ ہمک، تھانہ لوہی بھیراور تھانہ بہارہ کہو پولیس ٹیموں نی12ملزمان کو گرفتار کرکے ان کے قبضہ سی650گر ام ہیر وئن،528آئس اور مختلف بور کے پا نچ عدد پستول اور ایک عدد رائفل معہ ایمونیشن برآمد کرلئے، گرفتارملزمان کے خلاف متعدد مقدمات درج ہیں، جبکہ مزید تفتیش جاری ہے،اسی طرح مجرمان اشتہاری اور عدالتی مفروران کی گرفتار ی کیلئے چلائی جانے والی خصوصی مہم کے دوران06 مجرمان کی گرفتار ی بھی عمل میں لائی گئی، ایس ایس پی آپریشنز اسلام آ باد محمد شعیب خان نے کہاکہ اسلام آباد پولیس وفاقی دارلحکومت میں شہریوں کی جان و مال کے تحفظ کو یقینی بنانے کے لئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان و ما ل کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن"پکار-15 " پرفوری اطلاع دیں تاکہ پولیس اور عوام کے باہمی تعاون سے شہر کوجرائم سے پاک کیاجاسکے۔