Live Updates

پاکستان اکتوبر میں پہلاجدید ہائپر اسپیکٹرل سیٹلائٹ خلا ء میں روانہ کرے گا‘ سپارکو

ہائپر اسپیکٹرل سیٹلائٹ معدنی وسائل کی تلاش اور زراعت کی ترقی میں نئی راہیں کھولے گا

جمعرات 25 ستمبر 2025 19:10

اسلام آباد(اُردو پوائنٹ اخبارتازہ ترین - این این آئی۔ 25 ستمبر2025ء)پاکستان اکتوبر میں پہلا جدید ہائپر اسپیکٹرل سیٹلائٹ خلا ء میں روانہ کرے گا۔پاکستان نے جدید سیٹلائٹ خلا ء میں بھیجنے کی تیاری مکمل کرلی،پاکستان اکتوبر میں اپنا پہلا جدید ہائپر اسپیکٹرل سیٹلائٹ خلا ء میں بھیجے گا،ہائپراسپیکٹرل سیٹلائٹ معدنی وسائل کی تلاش اور زراعت کی ترقی میں نئی راہیں کھولے گا۔

(جاری ہے)

سپارکو کے مطابق جدید سیٹلائٹ ، سیلاب کی نگرانی، گلیشیئر پگھلنے اورفضائی آلودگی پر تحقیق کی صلاحیت بڑھائے گا،جدید ہائپر اسپیکٹرل سیٹلائٹ سپارکو کے زیر قیادت تیار کیا گیا ہے۔سپارکوکے چیئرمین محمد یوسف خان نے ورکشاپ کی افتتاحی تقریب سے خطاب میں کہا کہ یہ سیٹلائٹ معدنیات،پودوں، مٹی اورپانی کے معیار کے درست اعدادوشمار فراہم کرے گا،برسوں میں ہونے والے سروے اب چند دنوں میں مکمل کیے جا سکیں گے،یہ قدم قدرتی وسائل کے موثر استعمال کی راہ ہموار کرے گا۔