ایف آئی اے فیصل آباد نے مارشل آرٹس کے آفیشل و کھلاڑی ظاہر کر کے بیرون ملک جانے والے 5 مسافر تحویل میں لے لیے

جمعہ 26 ستمبر 2025 20:30

فیصل آباد (اُردو پوائنٹ اخبارتازہ ترین - اے پی پی۔ 26 ستمبر2025ء) ایف آئی اے فیصل آباد نے مارشل آرٹس کے آفیشل و کھلاڑی ظاہر کر کے بیرون ملک جانے والے 5 مسافر آف لوڈ کرکے تحویل میں لے لیا۔ ایف آئی اے امیگریشن فیصل آباد ائرپورٹ حکام نے 5 مسافروں اقبال مرتضیٰ، عبدالوہاب، شاہزیب خان، سمیع اللہ اور محمد سلیمان کو آف لوڈ کرکے تحویل میں لے لیا۔ حکام نے بتایا کہ مسافر فلائٹ نمبر FZ392 کے ذریعے روس جا رہے تھے۔

مسافروں کا تعلق لاہور، گجرانوالہ، حافظ آباد، نوشہرہ اور راولپنڈی کے مختلف علاقوں سے ہے۔

(جاری ہے)

مسافر مارشل آرٹس مقابلوں میں شرکت کا جھانسہ دے کر روس جا رہے تھے۔ابتدائی تفتیش میں تمام مسافروں کو مارشل آرٹس کے کھیل سے لاعلم پایا گیا۔کم عمر مسافر سمیع اللہ اور سلیمان کو جعلی کھلاڑی ظاہر کیا گیا۔گرفتار ٹیم کے مبینہ ہیڈ اقبال مرتضیٰ کے پاس کوئی رجسٹریشن یا روس سے دعوت نامہ موجود نہ تھا۔گرفتار ٹرینرز شاہزیب خان اور عبدالوہاب کو بھی کھیل کے بارے میں کوئی معلومات نہیں تھیں۔مسافروں کو آف لوڈ کر کے ایف آئی اے اینٹی ہیومن ٹریفکنگ سرکل فیصل آباد کے حوالے کر دیا گیا۔اینٹی ہیومن ٹریفکنگ سرکل فیصل آباد نے ملزمان کے خلاف مقدمہ درج کر لیا۔ ملزمان سے مزید تحقیقات جاری ہیں۔