پٹرولیم مصنوعات کی قیمتوں سے متعلق درخواست سماعت کیلئے مقرر

ہفتہ 27 ستمبر 2025 13:51

لاہور(اُردو پوائنٹ اخبارتازہ ترین - این این آئی۔ 27 ستمبر2025ء) لاہور ہائیکورٹ نے پٹرولیم مصنوعات کی قیمتوں سے متعلق دائر درخواست سماعت کیلئے مقرر کردی۔لاہور ہائیکورٹ کے جسٹس خالد اسحاق30 ستمبر کو درخواست پر سماعت کریں گے۔

(جاری ہے)

عدالت نے وفاقی حکومت کے وکیل سے اس حوالے سے رپورٹ طلب کر رکھی ہے، درخواست جوڈیشل ایکٹوزم پینل نے اظہر صدیق ایڈووکیٹ کی وساطت سے دائر کی ہے۔درخواست گزار کا مؤقف ہے کہ عالمی مارکیٹ میں پٹرولیم مصنوعات کی قیمتیں کم ہونے کے باوجود پاکستان میں بڑھا دی جاتی ہیں، حکومت کے پاس پٹرولیم مصنوعات کی قیمتیں بڑھانے اور کم کرنے کا کیا میکنزم ہے یہ واضح نہیں۔