پنجاب فوڈ اتھارٹی کی کارروائی ، 12سو لیٹر ناقص اور استعمال شدہ تیل تلف

ہفتہ 27 ستمبر 2025 17:27

راولپنڈی (اُردو پوائنٹ اخبارتازہ ترین - اے پی پی۔ 27 ستمبر2025ء) پنجاب فوڈ اتھارٹی نے ناقص اور استعمال شدہ تیل کے خلاف بڑی کارروائی کرتے ہوئے 1200 لیٹر تیل برآمد کر کے موقع پر تلف کر دیا۔ ترجمان فوڈ اتھارٹی کے مطابق یہ کارروائی کبوتر گلی گنج منڈی میں موجود ایک گودام پر کی گئی جہاں سے برآمد ہونے والے تیل کا کوئی ریکارڈ بھی دستیاب نہیں تھا۔

(جاری ہے)

ترجمان فوڈ اتھارٹی نے بتایا کہ ملزمان کے خلاف متعلقہ تھانے میں قانونی کارروائی کا آغاز کر دیا گیا ہے۔

ان کا مزید کہنا تھا کہ استعمال شدہ تیل کا دوبارہ استعمال ممنوع ہے کیونکہ یہ انسانی صحت کے لیے خطرناک اور مختلف بیماریوں کا باعث بنتا ہے۔ فوڈ اتھارٹی نے واضح کیا کہ صوبے بھر میں ناقص اور مضر صحت تیل کے خلاف بلاامتیاز کارروائیاں جاری ہیں اور شہری کسی بھی شکایت کی صورت میں ہیلپ لائن 1223 پر رابطہ کر سکتے ہیں۔