ل*اپنی چھت اپنا گھر پروگرام میں 102 ارب روپے سے زائد کی رقم مستحق خاندانوں کو جاری

m85,500 خاندان قرضہ جات سے مستفید، 17,957 گھروں کی تعمیر مکمل ظ*افورڈیبل ہاؤسنگ پروگرام کے تحت 57,000 مزید رہائش گاہوں کا منصوبہ پائپ لائن میں

اتوار 28 ستمبر 2025 05:10

Vلاہور (اُردو پوائنٹ اخبارتازہ ترین - آن لائن۔ 28 ستمبر2025ء) وزیر اعلیٰ پنجاب مریم نواز شریف کی ہدایت پر عوام دوست پروگرام اپنی چھت اپنا گھر میں اہم سنگ میل عبور کر لیا گیا ہے۔ اب تک مستحق خاندانوں کو گھروں کی تعمیر کے لیے 102 ارب روپے سے زائد کی خطیر رقم جاری کی جا چکی ہے، جبکہ 85,500 خاندانوں کو قرضہ جات فراہم کیے جا چکے ہیں۔ صوبہ بھر میں 17,957 گھروں کی تعمیر مکمل ہو چکی ہے۔

سیکرٹری ہاؤسنگ نورالامین مینگل کی زیر صدارت اہم اجلاس منعقد ہوا جس میں ڈی جی پھاٹا سکندر ذیشان، پی ڈی اپنی چھت اپنا گھر ولید بیگ اور پی ڈی افورڈیبل ہاؤسنگ عمران سلطان نے بریفنگ دی۔ اجلاس میں پروگرام کے تحت گھروں کی مزید تعمیر اور پلاننگ کے آغاز کی ہدایت کی گئی۔ سیکرٹری ہاؤسنگ نے زور دیا کہ عوامی فلاح کے جاری منصوبوں کی رفتار بھی بڑھائی جائے۔

(جاری ہے)

ترجمان محکمہ ہاؤسنگ کے مطابق شہریوں کو اپنے گھروں کی فراہمی کے لیے منفرد پروگرام متعارف کروائے گئے ہیں۔ افورڈیبل ہاؤسنگ پروگرام کے تحت 57,000 رہائش گاہوں کا منصوبہ پائپ لائن میں ہے اور آئندہ ہفتے اس پراجیکٹ کی صوبائی کابینہ سے منظوری متوقع ہے۔ شہریوں کی سہولت کے لیے قرضے کی فراہمی کی رفتار بڑھا دی گئی ہے۔ ترجمان کے مطابق شہری گھر بیٹھ کر قرض حاصل کرنے کے لیے اپنی درخواستیں جمع کروا سکتے ہیں