کراچی، میئر مرتضیٰ وہاب کا مختلف علاقوں کا دورہ، تعمیراتی کاموں کا جائزہ لیا

ملیر کالا بورڈ کی سڑک بھی کے ایم سی نے تعمیر کی، کھوکھرا پار تک سڑک ہم نے بنوائی،ماڈل کالونی کی سڑک بھی تعمیر کررہی ہے،گفتگو

اتوار 28 ستمبر 2025 12:10

کراچی (اُردو پوائنٹ اخبارتازہ ترین - این این آئی۔ 28 ستمبر2025ء)میئر کراچی بیرسٹر مرتضیٰ وہاب نے کہا ہے کہ کے ایم سی نے شہر کی 106 سڑکوں پر کام شروع کردیا ہے۔کراچی کے مختلف علاقوں کا دورہ کرنے کے بعد میڈیا سے گفتگو میں مرتضیٰ وہاب نے کہا کہ ملیر کالا بورڈ کی سڑک بھی کے ایم سی نے تعمیر کی، کھوکھرا پار تک سڑک ہم نے بنوائی۔انہوں نے کہا کہ ماڈل کالونی کی سڑک کے ایم سی تعمیر کررہی ہے۔

(جاری ہے)

پریڈی اسٹریٹ کا کام جلد مکمل ہوگا، شارع فیصل کے کچھ حصوں پر بھی کام ہوگا۔ان کا مزید کہنا تھا کہ مضافات کی اندرونی سڑکوں پر بھی ترقیاتی کام جاری ہے۔دو ماہ میں شہر کی تمام سڑکوں کی بحالی کا کام مکمل کریں گے۔مرتضیٰ وہاب نے کہا کہ کراچی والوں کو جواب دہ ہوں، شفافیت پر سمجھوتہ نہیں ہوگا۔میئر کراچی نے مزید کہا کہ ایم کیو ایم کو پیغام ہے اسلام آباد سے کام نہیں ہوں گے۔ وزیر اعظم شہباز شریف ایک رات نہیں بلکہ کئی دن کراچی آئیں، وزیراعظم کراچی کے لیے فراخدلی دکھائیں۔