دبئی ائیرپورٹ پر آرٹیفیشل انٹیلیجنس اسمارٹ کوریڈور، امیگریشن کا عمل اب چند سیکنڈز میں ممکن

اتوار 28 ستمبر 2025 14:40

دبئی (اُردو پوائنٹ اخبارتازہ ترین - این این آئی۔ 28 ستمبر2025ء)دبئی انٹرنیشنل ائیرپورٹ نے مسافروں کے لیے ریڈ کارپٹ اسمارٹ کوریڈور متعارف کروا دیا ہے، جس کی بدولت امیگریشن کا عمل اب صرف چند سیکنڈز میں مکمل ہو رہا ہے۔دبئی ائیرپورٹ کے جدید نظام میں پاسپورٹ یا بورڈنگ پاس دکھانے کی ضرورت نہیں اور مسافر بیک وقت 10 افراد کے ساتھ کوریڈور سے گزر سکتے ہیں۔

(جاری ہے)

یہ سہولت دنیا کا پہلا مصنوعی ذہانت پر مبنی مسافروں کا کوریڈور ہے اور فی الحال ٹرمینل تھری، بزنس کلاس ڈپارچر ہال میں دستیاب ہے۔دبئی حکام کے مطابق اس نظام سے خصوصا فیملیز کو سب سے زیادہ فائدہ ہوگا کیونکہ وقت کی بچت کے ساتھ ساتھ امیگریشن کا عمل زیادہ سہل اور تیز ہو گیا ہے۔ یہ اسمارٹ کوریڈور دبئی ائیرپورٹ کے مسافروں کے لیے ایک انقلابی سہولت ہے، جس سے امیگریشن کا عمل چند سیکنڈز میں مکمل ہوتا ہے۔ مستقبل میں اس سہولت کو تمام ٹرمینلز میں وسعت دینے کا منصوبہ ہے۔ ہم دبئی ائیرپورٹ کو مزید ڈیجیٹل سہولیات سے آراستہ کریں گے۔