ٹ*حارث رؤف کا جرمانہ اپنی جیب سے ادا کروں گا‘ ناصر حسین شاہ کا اعلان

اتوار 28 ستمبر 2025 17:45

ج کراچی (اُردو پوائنٹ اخبارتازہ ترین - آن لائن۔ 28 ستمبر2025ء) پیپلز پارٹی کے رہنما اور صوبائی وزیر بلدیات ناصر حسین شاہ نے اعلان کیا ہے کہ وہ فاسٹ بولر حارث رؤف پر آئی سی سی کی جانب سے عائد کیا گیا جرمانہ اپنی جیب سے ادا کریں گے۔

(جاری ہے)

سماجی رابطے کی ویب سائٹ ایکس پر جاری بیان میں ناصر حسین شاہ نے لکھا کہ حارث رؤف اور صاحبزادہ فرحان دلیر اور باہمت کھلاڑی ہیں، حارث پر جرمانہ اگر تین سو فیصد بھی لگے تو میں اور پوری قوم اس کے ساتھ ہیں۔انہوں نے مزید کہا کہ حارث پر عائد ہونے والے جرمانے کی مکمل رقم وہ خود ادا کریں گے۔اس سے قبل چیئرمین پی سی بی محسن نقوی نے بھی حارث رؤف پر لگنے والا جرمانہ اپنی طرف سے ادا کرنے کا اعلان کیا تھا۔