کراچی،فائرنگ سے زخمی نجی ٹی وی اینکر امتیاز میر ہسپتال میں دم توڑ گئے

پولیس نے حملے کا مقدمہ سعود آباد تھانے میں درج کیا ،کیس میں کوئی پیش رفت نہیں ہوسکی

پیر 29 ستمبر 2025 11:15

کراچی(اُردو پوائنٹ اخبارتازہ ترین - این این آئی۔ 29 ستمبر2025ء) شہر قائد میں نامعلوم افراد کی فائرنگ سے زخمی ہونے والے نجی ٹی وی کے اینکر امتیاز میر دوران علاج دم توڑ گئے۔ذرائع کے مطابق ملیر کے علاقے کالا بورڈ کے قریب گزشتہ اتوار کو نامعلوم ملزمان کی فائرنگ سے زخمی ہونے والے اینکر اور صحافی امیتاز میر کو شدید زخمی کیا تھا جس پر انہیں طبی امداد کیلئے مقامی ہسپتال منتقل کیا گیا تھا، جہاں وہ ایک ہفتہ زیر علاج رہے۔

(جاری ہے)

دوسری جانب پولیس نے حملے کا مقدمہ سعود آباد تھانے میں درج کیا تاہم اب تک کیس میں کوئی پیش رفت نہیں ہوسکی ہے جبکہ صحافی شجاعت قریشی نے بتایا کہ امتیاز میر کی تدفین کا اعلان ان کے اہل خانہ کریں گے۔علاوہ ازیں ترجمان کراچی پولیس کا کہنا تھا کہ ایڈیشنل آئی جی کراچی جاوید عالم اوڈھونے سینئر اینکر پرسن امتیاز میر کے انتقال پر گہرے دکھ اور افسوس کااظہار کیا اور مرحوم کی مغفرت اور ان کے اہل خانہ کے لییصبر کی دعا کی۔