ملک میں سیمنٹ کی ریٹیل قیمت میں گزشتہ ہفتہ کے دوران ملاجلارحجان

پیر 29 ستمبر 2025 15:09

اسلام آباد (اُردو پوائنٹ اخبارتازہ ترین - اے پی پی۔ 29 ستمبر2025ء) ملک میں سیمنٹ کی ریٹیل قیمت میں گزشتہ ہفتہ کے دوران ملاجلارحجان رہا۔ادارہ شماریات پاکستان کے اعدادوشمارکے مطابق 25ستمبرکوختم ہونے والے ہفتہ میں ملک کے شمالی شہروں میں سیمنٹ کی فی بوری کی اوسط ریٹیل قیمت 1382روپے ریکارڈکی گئی جوپیوستہ ہفتہ کے مقابلہ میں 0.32فیصدکم ہے،پیوستہ ہفتہ میں ملک کے شمالی شہروں میں سیمنٹ کی فی بوری کی اوسط ریٹیل قیمت 1387روپے ریکارڈکی گئی تھی۔

اسی طرح ستمبرکوختم ہونے والے ہفتہ میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1449روپے ریکارڈکی گئی جوپیوستہ ہفتہ کے مقابلہ میں 0.40فیصدزیادہ ہے،پیوستہ ہفتہ میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1443روپے ریکارڈکی گئی تھی۔

(جاری ہے)

اعداد وشمارکے مطابق گزشتہ ہفتہ کے دوران اسلام آبادمیں سیمنٹ کی فی بوری کی اوسط ریٹیل قیمت 1357روپے، راولپنڈی 1361روپے،گوجرانوالہ 1420روپے،سیالکوٹ 1380روپے،لاہور1443روپے،فیصل آباد1380روپے،سرگودھا1370روپے،ملتان 1416روپے،بہاولپور1450روپے،پشاور1350روپے اوربنوں میں سیمنٹ کی فی بوری کی اوسط ریٹیل قیمت 1280روپے ریکارڈکی گئی، اسی طرح گزشتہ ہفتہ کے دوران کراچی میں سیمنٹ کی فی بوری کی اوسط ریٹیل قیمت 1367روپے،حیدرآباد1427روپے،سکھر1500روپے،لاڑکانہ 1407روپے،کوئٹہ 1510روپے اورخضدارمیں سیمنٹ کی فی بوری کی اوسط ریٹیل قیمت 1483روپے ریکارڈکی گئی۔