Live Updates

سونے کی قیمت میں اضافے کا سلسلہ جاری، فی تولہ 4 لاکھ 6 ہزار سے زائد کا ہوگیا

منگل 30 ستمبر 2025 17:45

کراچی(اُردو پوائنٹ اخبارتازہ ترین - این این آئی۔ 30 ستمبر2025ء)ملکی تاریخ میں فی تولہ سونے کی قیمت 4 لاکھ روپے ہونے کے بعد اضافے کا سلسلہ جاری ہے۔منگل کومقامی صرافہ مارکیٹ میں فی تولہ سونا 3 ہزار 178 روپے کے اضافے کے بعد 4 لاکھ 6 ہزار 778 روپے پر جا پہنچا، جب کہ 10 گرام سونا بھی 2 ہزار 725 روپے مہنگا ہو کر 3 لاکھ 48 ہزار 746 روپے کی ریکارڈ سطح پر فروخت ہوا۔

(جاری ہے)

بین الاقوامی مارکیٹ میں بھی سونے کی قیمتوں میں نمایاں اضافہ ریکارڈ کیا گیا، جہاں فی اونس سونا 37 ڈالر کے اضافے کے بعد 3 ہزار 855 ڈالر پر پہنچ گیا۔آل پاکستان جیمز اینڈ جیولرز ایسوسی ایشن کے مطابق سونے کی یہ قیمتیں ملکی تاریخ کی بلند ترین سطح ہیں۔ اعداد و شمار کے مطابق 30 اگست سے اب تک صرف ایک ماہ میں فی تولہ سونا 39 ہزار 378 روپے جبکہ 10 گرام سونا مجموعی طور پر 33 ہزار 760 روپے مہنگا ہو چکا ہے۔ماہرین کے مطابق ڈالر کی قدر میں اتار چڑھائو، عالمی منڈی میں سرمایہ کاری کے رجحانات اور مقامی سطح پر مہنگائی کے دبا نے سونے کی طلب کو بڑھایا ہے، جس کے نتیجے میں قیمتوں میں ریکارڈ اضافہ ہوا ہے۔