بڑھتے ہوئے حادثات کوکنٹرول کرنے کیلئے کم عمر ڈرائیورزکیخلاف خصوصی مہم کاآغازکر دیا گیا، چیف ٹریفک آفیسر

پیر 29 ستمبر 2025 14:05

فیصل آباد (اُردو پوائنٹ اخبارتازہ ترین - اے پی پی۔ 29 ستمبر2025ء) فیصل آباد شہربھرمیں حادثات کی بڑھتی ہوئی شرح کوکنٹرول کرنے کیلئے کم عمر ڈرائیورز کے خلاف قانونی کارروائی کا آغاز کر دیا گیاہے۔

(جاری ہے)

چیف ٹریفک آفیسرسٹی ٹریفک پولیس فیصل آباد ناصر جاوید رانانے اے پی پی کو بتایا کہ ٹریفک وارڈنز کو کم عمر ڈرائیورز کے خلاف خصوصی مہم شروع کرنے کی ہدایت کی گئی ہے اور اس سلسلہ میں تما م ٹریفک پولیس افسران واہلکاران سے کہاگیاہے کہ وہ موٹر سائیکل، چنگ چی رکشے، ویسپا رکشے، کاریں، ویگنیں اور دیگر اقسا م کی ٹرانسپورٹ چلانے والے کم عمر، ناتجربہ کار، بغیر لائسنس ڈرائیوروں کے خلاف فوری طور پر آپریشن کریک ڈاؤن کا آغاز کریں اور ان کی گاڑیاں قبضہ میں لے کر نہ صرف 72گھنٹوں کیلئے بند کردی جائیں بلکہ ان سے آئندہ کیلئے ڈرائیونگ نہ کرنے کا بیان حلفی بھی لیاجائے۔

انہوں نے کہا کہ کم عمر ڈرائیوروں کی غلط ڈرائیونگ کے باعث شاہرات پر ٹریفک حادثات میں اضافہ ہو رہا ہے جس کی وجہ سے مالی کے ساتھ ساتھ جانی نقصان کاسامنا بھی کرناپڑرہاہے۔ انہوں نے تمام نو عمر ڈرائیوروں کو ہدایت کی کہ وہ کسی بھی قسم کی غلط ڈرائیونگ سے گریز کریں ورنہ ان کے ساتھ کوئی رعائت نہیں برتی جائے گی۔