مون سون سیزن اس بارجلدی شروع ہوا،سب سے زیادہ بارشیں پنجاب کے حصہ میں آئیں‘ محکمہ موسمیات

پیر 29 ستمبر 2025 17:30

لاہور (اُردو پوائنٹ اخبارتازہ ترین - این این آئی۔ 29 ستمبر2025ء) محکمہ موسمیات کے مطابق پاکستان میں مون سون سیزن اس بار جلدی شروع ہوا اور بارشیں معمول سے 23فیصد زائد برسیں۔

(جاری ہے)

ڈپٹی ڈائریکٹرمحکمہ موسمیات عرفان ورک نے نجی ٹی وی سے گفتگوکرتے ہوئے کہا کہ مون سون کی سب سے زیادہ بارشیں پنجاب کے حصہ میں آئیں،سیالکوٹ میں تو بارش کا ریکارڈ ٹوٹ گیا۔انہوں نے بتایا کہ مون سون سیزن اب ختم ہو چکا تاہم اگلے دو سے تین روز میں سندھ کے ساحلی علاقوں میں کہیں کہیں مزید بارش ہو گی۔ملک میں گرمی کی شدت برقرار ہے،درجہ حرارت میں بتدریج اضافہ ریکارڈ کیا جا رہا ہے،ملک کے کسی بھی حصے میں گزشتہ 48گھنٹوں کے دوران بارش رپورٹ نہیں ہوئی۔