اینٹی کرپشن اسٹیبلشمنٹ نے سندھ ٹیکسٹ بک بورڈ کے خلاف تحقیقات شروع کر د یں

سندھ ٹیکسٹ بک بورڈ پر پانچ ارب روپے کی کتابیں من پسند پبشلرز سے چھپوانے کا الزام ہے

پیر 29 ستمبر 2025 17:30

کراچی (اُردو پوائنٹ اخبارتازہ ترین - این این آئی۔ 29 ستمبر2025ء)درسی کتابوں کی چھپائی میں سنگین خلاف ورزیاں، اینٹی کرپشن اسٹیبلشمنٹ نے سندھ ٹیکسٹ بک بورڈ کے خلاف تحقیقات شروع کر د ی ہیں ۔ذرائع کے مطابق سندھ ٹیکسٹ بک بورڈ پر پانچ ارب روپے کی کتابیں من پسند پبشلرز سے چھپوانے کا الزام ہے ۔چیئرمین سندھ ٹیکسٹ بک بورڈ پرویز بلوچ اور بورڈ کے سابق سیکریٹری تیمور خاصخیلی کے خلاف تحقیقات تیزکردی گئی ہیں ۔

(جاری ہے)

محکمہ اینٹی کرپشن کے مطابق تعلیمی سال 26-2025 کے دوران کتابوں کی چھپائی کے ٹھیکے من پسند پبلشرز کو الاٹ کیے گئے،اینٹی کرپشن نے سندھ ٹیکسٹ بک سے تمام ریکارڈ طلب کرلیا۔خط میں کہا گیا ہے کہ 2 اکتوبر کو سندھ ٹیکسٹ بک بورڈ حکام ریکارڈ سمیت تفتیشی افسر کے سامنے پیش ہوں۔این آئی ٹی، کمپنیوں کی تفصیلات، بڈ رپورٹ، ورک اور سپلائی آرڈرز، ڈیلیوری چالان اور دیگر ریکارڈ پیش کیا جائے۔اگر ٹھیکیداروں کی گئی ایڈوانس ادائیگیوں اور پروکیورمنٹ کمیٹی کے نام بھی مانگے گئے ہیں۔