Live Updates

فلاپ صائم ایوب وزڈن کی ٹیم آف ایشیا کپ میں شامل

ایونٹ میں 5.28 کی اوسط سے صرف 37 رنز سکور کرنے والے صائم ایوب کو ون ڈاؤن پوزیشن پر رکھا گیا ہے

ذیشان مہتاب بدھ 1 اکتوبر 2025 12:58

فلاپ صائم ایوب وزڈن کی ٹیم آف ایشیا کپ میں شامل

لاہور (اردو پوائنٹ تازہ ترین اخبار ۔ یکم اکتوبر 2025ء ) وزڈن نے ایشیا کپ ٹیم آف دی ٹورنامنٹ میں فلاپ ہونے کے باوجود صائم ایوب کو شامل کرلیا۔

اوپنرز میں بھارت کے ابھیشیک شرما اور سری لنکا کے پاتھم نسانکا کو رکھا گیا ہے، ایونٹ میں 5.28 کی اوسط سے صرف 37 رنز اسکور کرنے والے صائم ایوب کو ون ڈاؤن پوزیشن پر رکھا گیا ہے۔

وزڈن کے مطابق یہ شاید متنازع ترین سلیکشن ہے، اس پر کئی سوالات اٹھ سکتے ہیں کہ کیا آپ ایک ایسے بیٹر کو منتخب کرسکتے ہیں جس نے رنز نہیں بنائے اور وکٹیں حاصل کیں۔

صائم سات اننگز میں چار مرتبہ صفر پر آؤٹ ہوئے، ان کے 37 میں سے 35 رنز سپر فور اور فائنل میں بھارت کے خلاف سامنے آئے مگر وہ بولنگ میں کافی شاندار رہے۔

(جاری ہے)