Live Updates

توشہ خانہ ٹو کیس ،استغاثہ کے 19ویں گواہ پر عمران خان کے وکیل کی جرح

بدھ 1 اکتوبر 2025 20:15

راولپنڈی (اُردو پوائنٹ اخبارتازہ ترین - این این آئی۔ 01 اکتوبر2025ء) بانی پی ٹی آئی اور بشریٰ بی بی کے خلاف توشہ خانہ ٹو کیس کی سماعت کے دوران استغاثہ کے 19ویں گواہ تفتیشی افسر ملک شاہد پر عمران خان کے وکیل نے جرح کی۔بدھ کو سپیشل جج سینٹرل اسلام آباد شاہ رخ ارجمند نے اڈیالہ جیل میں بانی پی ٹی آئی اور بشریٰ بی بی کے خلاف توشہ خانہ ٹو کیس پر سماعت کی ،بانی پی ٹی آئی اور بشریٰ بی بی کو کمرہ عدالت میں پیش کیا گیا۔

(جاری ہے)

سماعت کے دوران بانی کی تینوں بہنیں، بشری بی بی کی بھابھی، بیٹی، داماد کمرہ عدالت میں موجود تھے، سماعت کے دوران سینیٹر علی ظفر، مشال یوسفزئی بھی عدالت موجود تھے۔بانی پی ٹی آئی کی جانب سے قوسین فیصل مفتی ایڈووکیٹ عدالت میں پیش ہوئے، ایف آئی اے کی جانب سے اسپیشل پبلک پراسیکیوٹر عمیر مجید ملک عدالت میں پیش ہوئے۔استغاثہ کے 19ویں گواہ تفتیشی آفیسر ملک شاہد پر عمران خان کے وکیل صفائی قوسین فیصل نے جرح مکمل کی، استغاثہ کے 20 ویں گواہ تفتیشی آفیسر نیب محسن ہارون پر جرح جاری ہے، کل مکمل کی جائے گی۔مقدمے میں 20 گواہان کی شہادت قلمبند کرکے 19پر جرح مکمل کی جا چکی، سماعت صبح ساڑھے 9 بجے تک ملتوی کردی گئی۔